Introdusaun
CHART mak projetu Australia nian ida. Ami nia objetivu mak atu buka hetan iha Australia laran arkivu hotu kona ba Timor-Leste husi tinan 1974-1999. Website ida ne’e mak ami nia fatin prinsipal hodi komunika sai saida mak ami hetan no atu hakerek artigu sira kona ba konteudu balu husi arkivu sira ne’e.
Ate agora, ami nian komunikasaun hotu hala’o iha lian Ingles. Ami estabelese pagina ida ne’e iha ami nian website atu komesa fo sai ami nian servisu balu iha lian Tetun.
Artigu balu iha ne’e hanesan tradusaun kompleta husi artigu anterior sira iha lian Ingles; artigu balu nu’udar sumaria badak de’it.
Simu komentariu sira
Ami simu komentariu sira no diskusaun kona ba artigu individual iha lian Tetun. Ami prefere komentariu sira ne’ebe ho respeitu no sei aumenta ba ema ida-idak nia kunesimentu no komprensaun kona ba topiku sira iha artigu ne’e. Opiniaun sira tenke suporta ho informasaun konkretu bainhira posivel.
Ami sei labele publika komentariu anonimus sira. Ami sei la publika komentariu la importante, slogan, ka komentariu difamatoriu kona ba ema sira ne’ebe mak sei moris.
ARTIGU SIRA
Klik iha artigu nia titulu atu lee testu iha Tetun
Operasaun Skylight, 1978: Mensajen ‘Saturno’
Ita barak hatene kona-ba “Operasaun Skylight” no mensajen sekretu ho kódigu ne’ebé Alarico Fernandes manda sai ba delegasaun esterna Fretilin iha tinan 1978. Maibé ita barak nunka haree mensajen reál sira ne’e. Iha artigu ida ne’e ami publika testu husi versaun ida husi ‘Saturno’ nia mensajen sira.
Memória viva husi Jill Jolliffe, 1945-2022
Ativista, jornalista no autór: Jill Jolliffe nia servisu nu’udar parte importante ida iha Timor-Leste nia istória. Ita hanoin hikas Jill Jolliffe liuhusi matadalan báziku ida-ne’e kona-ba arkivu sira husi nia servisu.
Operasaun Skylight, 1978: Pergunta sira ne’ebe seidauk rezolve
Ida ne’e mak introdusaun ba arkivu kona ba ‘Operasaun Skylight’ iha 1978. Sei iha pergunta barak mak presiza atu resposta antes ita bele komprende eventu ida ne’e.
Asesu ba dokumentu sekretu sira kona ba Timor Gap: Kim McGrath nia kazu
Iha dokumentu barak husi tinan 1974-1999 kona ba Timor-Leste iha Arkivu Nasional Australia. Balu sei sekretu. Artigu ida ne’e kona ba Kim McGrath nia esforsu ne’ebe la susesu atu haree dokumentu sira kona ba Timor Gap.
Online: Arkivu Solidariedade Internasional Timor
Arkivu online resente liu kona ba Timor-Leste nia istória fó asesu ba dokumentu sira kona ba movimentu solidariedade internasional, 1974-1999. CHART halo sumária ba konteudu husi rekursu folin-boot ne’e no fiar katak ne’e bele sai exemplu di’ak ida ba Timor-Leste nia institusaun arkivu sira hodi halo tuir.
